Yaslı nineme (şiir)


Qara topraq, genç yavrunle qızıl qana boyandı
Essiz dağlar; yapraq döndi, qanlar ile suvlandı.

Deniz quduz dalğalarle yaralar – ki  yıqadı.
Bülbül  ötdi, şarqısı ile saña merhum sığadı,

Qan bulandı cel qıvrandı çipçe kelerin hep soldı
Ay yuzunun közyaşları kene doğdı, qan boldı.

Ağlama  sen ğarip ninem! Öksüz ninem, ağlama!
O qınalı saçlarına yaslı baş bağlama!

Ağlama sen, şanlı ninem! Közlerini qalq – da sil!
Asıl yavruñ kene seni yükseldecek. Bunı bil!

Kene altın dağlarında penbe çiçek açacaq.
İrmaqlar şırıl-şırıl, kümüş kibi aqacaq.

Qorqaq ölüm, bir kün kelüb kene boyun buracaq,
Kene senin er evladın ondan hesab soracaq.

Ağlama sen! Yüreginde ümid doğsun, kün doğsun!
Şehid düşen yavruların yatdığı yer nur olsun.

Qızıl qanlar, namusının nişanısı olacaq.
Qarlı dağın vadileri yeşil yapraq açacaq.
Deñizlerin dalğaları saña şeher quracaq
Elmas başın yarın kene küneş nurı saçacaq

Ağlama sen, ğarip ninem! Saçıñ yolup
O qınalı saçlarına yaslı başlar bağlama!

Dobruca, № 61, s. 2

Special thanks to the instructor of the Crimean Tatar literature Tahir Kerim and postgraduate student Refat Abduzhemil for their assistance with transliteration from the Arabic script.

photos 030 - Copy (2)© Maksym Mirieiev 2012

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s