Açuv Qarğışı (şiir)

Buran bolub, başdan başqa qart dünyanı tuzatsam!;
Qattı, taşqın tolqun bolub deryalarnı aqtartsam!;
Cav başına calın qusqan vulqanlarnı avdartsam!;
Cüregimde qaynab ösken açuvlarım ne kesilmez!

Cara bolğan bavurumnıñ teşikleri bekletilmez!
Yedi başlı acderha bulub anay yurdum sarğanını!;
Ölü qarab, celavuzday, babayı sinim qazğanı!;
Yam yamlardan yaman bolub, anay bavrum carğanı

Parçalarsam, ezsem, caqsam canıqlarım savulmaz!
Can qaytarsam, otqa tıqsam qayğılarım arınmaz!
Kör bolsunlar qızıllarnı mahtab cürgen soysızlar!;
Kör bolsunlar savetlerçün itday ürgen mıysızlar!

Soqur bolmayıb sürünsünler, soy bilmegen soysızlar!
Bunday bir kün körüb ölsem, qarğışlarım soñ, olmaz.
Bavurumnıñ caralarnı, canıqları oñulmaz!..

Çorabatır

© Maksym Mirieiev 2012